h e l l o ! 

 

近排天氣開始轉涼，秋高氣爽最適合去野餐。同朋友坐喺草地吹風邊吹水，總好過成日吽喺屋企打機煲劇碌IG啦！既然無得離開香港去旅行，不如趁假期，計劃一個秋天野餐之旅chill一chill啦！

 

 

不能缺少的 6大野餐法寶

 

1️⃣　飲品零食

叫得野餐，飲飲食食是重點吧！薯片餅乾、啤酒果汁汽水、自家製輕食……喺陽光下吹住風，邊食邊傾，邊影相邊打咭，幾咁寫意呢！

薯片零食推介👉🏻 https://bit.ly/2He7ZZM

 

 

2️⃣　無線藍牙喇叭

微風風輕輕吹～再配合埋輕鬆歡樂嘅音樂，就更chill啦！除咗要準備定心水playlist，帶埋部輕巧嘅Bluetooth speaker播歌與眾同樂先夠盡興架嘛。

無線藍芽喇叭推介👉🏻 https://bit.ly/35cqaax

 

 

3️⃣　防曬用品

雖然已經入秋，但陽光猛烈起上嚟都好易曬傷，防曬工夫一定要做足。防UV遮同防UV帽可以遮擋太陽，防曬霜同防曬噴霧可以保護皮膚防止曬傷，絕對係戶外必備！

防UV產品推介👉🏻 https://bit.ly/3lXQsUC

 

 

4️⃣　野餐墊及垃圾袋

帶定野餐墊就坐得舒服啲，又唔驚污糟啲衫褲，不過有時啲野餐墊太細，個人坐咗上去之後都無咩位放其他嘢，帶埋張多功能野餐枱就可以輕鬆安置飲品同食物喇，佢仲連埋冰桶，唔駛驚啲啤酒汽水攤到熱晒。記得準備埋垃圾袋呀，自己的垃圾自己執乾淨吖嘛～

多功能野餐枱👉🏻 https://bit.ly/31n003w

 

 

5️⃣　防蚊產品

平時出門都會惹蚊，更何況去郊外野餐呢！唔想成為蚊蟲嘅大餐，一定要做足防蚊措施，帶備蚊怕水、驅蚊貼、驅蚊手環同便攜嘅驅蚊機咁就萬無一失喇！

防蚊小幫手推介👉🏻 https://bit.ly/31khq0O

 

 

6️⃣　外置充電器

出去戶外隨身帶備一個輕巧嘅叉電器，就唔驚電話/ 喇叭玩到無晒電啦～畢竟影相打咭都好耗電，無電話用就唔好啦！

外置充電器推介👉🏻 https://bit.ly/2IBdAd4

 

 

港九新界 6大野餐勝地

 

 

🌄 山頂公園

原址係香港總督別墅，除咗有一大片草地，附近仲有好多歐陸式建築。暫時出唔到國，就望梅止渴先當自己去咗歐洲先啦！

📍：香港島太平山頂

🚘：中環交易廣場巴士站，乘搭15號巴士，到達凌霄閣再步行30分鐘

🕐：24小時

 

 

 

 

🏛️ 青衣公園

賞楓葉唔一定要出國嘅，青衣公園紅葉盛開嘅時候都可以媲美日本、韓國架，除咗有個人工湖，四周仲有花草樹木環抱，可以邊野餐邊賞紅葉！

📍：青衣青綠街 3 號

🚘：青衣港鐵站，沿青敬路直走。

🕐：上午5:30至下午11:30

 

 

 

 

🗾 添馬公園

添馬公園算得上係鬧市中一個放鬆嘅好地方！而且交通方便、空間夠大又有海景，去野餐一流！

📍：金鐘夏愨道

🚘：港鐵金鐘站A出口，行 10 分鐘

🕐：24小時

 

 

 

 

🛥️ 啟德跑道公園

唔想同人逼可以去隱閉少少嘅啟德遊輪碼頭，有兩片大草地連海景，頂樓又有花園，愛花嘅朋友千祈唔好錯過。

📍：啟德郵輪碼頭

🚘：九龍灣站乘 86 號小巴直達總站，步行 10 分鐘

🕐：上午7:00至晚上11:00

 

 

 

 

🍱 觀塘海濱公園

如果毫無準備又想野餐嘅話，觀塘海濱公園都係個唔錯嘅選擇。附近有輕食店，仲有野餐套餐，啱哂即興想野餐嘅朋友啊～

📍：觀塘海濱道80號

🚘：牛頭角站B6出口，步行 15 分鐘

🕐：24小時

 

 

 

 

🐶 西九海濱長廊

西九海濱長廊開放埋畀寵物進入，而且地方夠大，仲有無敵大海景添～帶埋寵物同朋友或者另一半去吹吹風真係一個唔錯嘅選擇。之前仲會不定期舉辦市集，不過依家就要等疫情好轉先再有喇。

📍：尖沙咀西九文化區

🚘：九龍站 E4/E5 出口，步行約 10 分鐘

🕐：上午6:00至下午11:00（公眾假期及活動舉行期間，開放時間或會變動）