h e l l o ! 

 

疫情關係，相信大家今年更加注重家居清潔，但除咗大門、馬桶，水糟同坑渠位呢啲地方之外，其實屋企本身都暗藏好多邋遢位，唔想同細菌病毒共處一室，就要留意以下最容易被忽略嘅家居藏菌地方，再將佢哋逐一擊破！

 

邋遢位1：玩具

之前有外國研究報告指出小朋友成日接觸嘅玩具，例如遊戲機手掣、毛公仔、沖涼膠鴨仔等都含有大量細菌，其中遊戲機手掣嘅含菌量更加係廁所板嘅5倍呀！小朋友嘅玩具形形色色，材質大細各有不同，亦唔係所有玩具都可以放入洗衣機洗，清潔起上嚟有時都幾頭痕。

 

解決方法：

使用低剌激性嘅消毒噴霧為玩具表面進行消毒，就方便又安全喇。首推呢支嚟自日本森友嘅除菌消毒弱酸性次氯酸水，當接觸到細菌及病毒後，佢會破壞其細胞，然後還原返做水及低濃度嘅氯胺，能夠安全有效地殺滅細菌同去除異味。低濃度又弱酸性，用完之後唔驚小朋友誤將玩具放入口，或接觸到皮膚後引致過敏，比漂白水同其他有化學成份嘅清潔劑更安全！

 

 

邋遢位2：梳化及床鋪

梳化同床鋪呢類軟質家具可以話係全屋入面同我哋接觸得最親密嘅物件，雖然肉眼睇唔到，但當中其實藏有大量皮屑，細菌同塵蟎，容易引發鼻敏感、哮喘及濕疹等疾病。

 

解決方法：

床鋪嚟講，最理想當然係每個星期更換床單枕頭套，再用塵蟎機殺滅塵蟎啦，但布梳化同地毯呢類難以放入洗衣機清洗嘅物件，就要用配備UV紫外線功能/ 水濾式功能嘅吸塵機勤加清潔，太忙無時間嘅話，亦可以噴灑上面提及到嘅次氯酸水進行簡單嘅消毒殺菌工作先，再定期做大規模消毒。

 

邋遢位3：浴室地板 / 浴簾 / 洗手盤

浴室入面唔止馬桶污糟，地板、浴簾、洗手盤呢啲經常濕水嘅地方好容易會因為潮濕，成為霉菌嘅溫床，除咗吽到一撻撻黑斑影響觀感，搞到成陣噏味之外，仲好易引致過敏同引發其他疾病，所以唔好見只係少少黑點就放過佢哋，一定要殺無赦！

 

解決方法：

其實好多時都唔係真係想放過佢哋，只係有時連漂白水都搞唔掂，對啲霉菌束手無策啫。不妨試吓專門針對消除霉菌而設嘅Miracle家居除霉啫喱，只需要將啫喱直接塗抹於浴室、窗簾、地板縫等地方，等3至5個鐘，再用水清洗乾淨，就可以有效根除霉菌，簡單方便之餘，仲有效消除高達99.9%細菌。如果要用喺牆身，浴缸等比較大面積嘅地方，用Magic Cleaning 40秒奇蹟去霉除根噴霧就會比較方便，噴完等40秒抹走就可以KO霉菌。

 

邋遢位4：廚房用品

毛巾抹布同百潔布呢啲經常接觸餐具同食物容器嘅物件原來藏有大量細菌，美國國家衛生基金會（NSF）研究就曾經指出廚房海綿係全屋含菌量最高嘅地方！當中超過75%搵到沙門氏菌同大腸桿菌等致命細菌！尤其係佢地長期處於潮濕狀態，更容易令細菌容易大量䌓殖，如果接觸到食物，好可能會會導致食物中毒或者其他食源性疾病，一定要小心呀。

 

解決方法：

平時要注意晾乾抹布同百潔布，如果想滅菌，可以用溫水加梳打粉將抹布同百潔布浸泡幾分鐘，再放喺通風嘅地方風乾，或者使用Saffron 天然死海鹽多用途重曹(小蘇打粉)親膚洗潔劑，仲可以消臭除味添。不過清洗得再勤力，用大約兩至四星期就要定期換新㗎喇。

其實除咗以上提及到嘅地方，鞋櫃、垃圾桶、洗衣機等都係容易被忽略嘅細菌藏身地，含菌量都分分鐘高過馬桶，想保護自己同家人就要多加留意小細節，唔好怕麻煩，做足消毒清潔工作呀！

呢度仲有好多好家居清消毒防菌必備嘅好幫手，即刻click入嚟睇吓啦 👉🏻 https://bit.ly/3o4N0JI