h e l l o ! 

 

大家有無發現平時去Salon洗完頭髮，啲頭髮會特別順滑呢？除咗同髮型師嘅吹頭技巧有關，原來洗頭方法同髪質都有關係，大家洗咗咁多年頭，到底洗頭方法啱唔啱呢？等啤啤同大家一齊拆解大家洗頭最常犯嘅4大NG位啦！

 

1. 水太熱

為咗方便，好多人都會沖涼嘅時候同時洗頭，所用嘅水溫通常都較高，但當水溫太高會洗走頭皮油脂，令頭髮變得乾旱，仲更易吸收化學物質，令頭髮同頭皮受損！所以無論洗頭定水涼都好，都建議用返接近體溫嘅35℃至37℃就最適合，就算冬天天氣比較凍，都唔用好超過42℃嘅水呀！

 

2. 沖水時間太短

正常洗頭之前都會淋一淋濕個頭先再落洗頭水，大家唔好睇少濕水呢個動作，除咗想整濕頭髮易啲捽洗頭水之外，其實最主要嘅功用係要沖走頭皮嘅殘留物，所以最好用至少1-2分鐘沖洗頭髮，先再落洗頭水啊～

 

3. 直接落洗頭水

好多朋友吱完洗頭水就會直接邊搽落頭髮邊搓到起泡，但咁樣做係好傷髮質㗎！因為濕髮特別脆弱，咁搓法好易會整斷頭髮！正確方法應該先用掌心或者起泡網搓出泡，再用指尖輕輕按摩頭皮，咁做唔傷髮之餘，仲可以更加深層清潔污垢添！

 

4. 無盡快吹乾頭髮

好多人洗完頭都鐘意用毛巾包住，敷埋Mask，搽埋body lotion，隔一段時間先會用風筒吹乾，但咁樣會令到頭皮上嘅細菌非常活躍，導致頭皮痕癢、發炎同發臭，嚴重者更會甩髮添！所以洗完頭之後最好5分鐘內就要吹乾髮根，而髮尾就吹到半乾就OK喇～

 

除咗要知道正確嘅洗髮方法之外，了解返自己係屬於咩類型嘅髮質，選用合適嘅洗頭水同護髮產品都好重要架！到底唔同髮質又應該點保護頭髮呢？

 

油性髮質

由於頭皮油脂分泌旺盛，油性髮質嘅朋友無洗頭一日頭髮就已經好油同塌落，摸落會明顯感覺到油油哋。揀返返控油清爽同微鹼性洗頭水可以幫助頭皮去油！

 

中性髮質

中性髮質嘅朋友頭髮唔油唔乾，頭髮比較順滑光亮，容易打理，喺洗髮護髮產品上有較多選擇，微酸性同含簡單護理成分嘅洗頭水都啱你哋用。

 

乾性髮質

由於頭皮油脂分泌較少，乾性髮質嘅朋友就算兩、三日無洗頭，頭髮都唔會油笠笠。頭髮乾旱無彈性，粗糙無光澤，髪尾容易打結、開叉同折斷。建議用返深層滋潤同高保濕成份嘅洗頭水同護髮素，仲要定期做吓焗油等保養！

深層潤澤護理產品推介👉🏻 https://bit.ly/3mWH6ZH

 

 

敏感性髮質

敏感性髮質嘅朋友頭皮脆弱，唔可以受刺激，部份兩患有濕疹，導致頭皮容易痕癢、紅腫同甩皮，建議揀返天然，無添加，同無化學物質嘅洗頭水同護髮產品，亦都要避免起泡劑，以免情況惡化。

頭皮濕疹專用推介👉🏻 https://bit.ly/38mueZ3

 

其實仲有經常漂染嘅受損髮質、頭皮多油但髮尾偏乾嘅混合性髮質等等唔同嘅髮質，如果大家想有一頭柔順有光澤嘅秀髮，記住要注意唔好犯以上提及到嘅NG位，同揀返適合自己髮質同需要嘅洗髮護產品啊！

 

立即挑選啱自己嘅洗髮髮護產品👉🏻 https://bit.ly/3k3kzc3