h e l l o ! 

 

疫情又變得緊張,仲有第四波爆發危機,免得過都出少啲街,留喺屋企休息吓好過。啤啤準備咗幾款懶人料理食譜畀大家,等大家就算宅喺屋企嘅時候,唔駛叫外賣都可以有啖好食!

 

歐陸風早餐

好多人鍾意食熱香餅做早餐,其實唔一定要下下出去食嘅,mark低所需材料,喺屋企隨時想食都可以自己整到!

材料(約5-6塊份量)

低筋面粉100g;雞蛋 1個;牛奶 100ml;溫水50ml

 

步驟

1/ 將蛋黃同蛋白分離

2/ 喺麵粉中間留個小洞,加入蛋黃攪拌再慢慢加入牛奶同溫水攪拌直至粉漿變滑

3/ 用打蛋器將蛋白打至企身(硬性發泡)

4/ 將打好嘅蛋白慢慢倒入粉漿,輕輕攪拌(記得唔好太大力,如果唔係整出嚟就會唔鬆軟㗎喇)

5/ 加熱平底鍋,落油倒入粉漿,用慢火加熱至起泡同邊邊位都熟嘅就可以反面繼續煎,大約1分鐘左右就完成喇~

6/ 可以按個人喜好❤️加楓糖漿、果醬、水果等,再沖多杯咖啡☕豐富嘅早餐就完成喇👏🏻

 

想再方便啲或者食唔同口感嘅Pancake,仲可以買pancake粉,只要加雞蛋同牛奶就搞掂,至少慳到一半時間啊!有三文治機嘅朋友,仲可以整三文治同格仔餅添~

 

必買清單:

【烘焙粉】https://bit.ly/36MSdy1

【果醬】https://bit.ly/3feMkxj

【咖啡】https://bit.ly/35MhV6B

【早餐機/ 三文治機】https://bit.ly/2IO1pKj

 

清爽午餐

早餐食得咁豐富,晏晝想食返清淡啲,食冷麵或者冷烏冬就啱晒,材料亦都非常簡單!

材料(1人份量)

烏冬/麵;芝麻醬/烏冬醬;青瓜1/4 蟹柳6條

 

步驟

1/ 煮熟烏冬/麵,用凍水過冷河令麵身更加彈牙,隔水備用

2/ 青瓜、蟹柳切絲

3/ 青瓜、蟹柳絲放到烏冬/麵上面,倒入醬汁就完全喇~

 

呢個食譜真係好簡單,仲可以按喜好自行改良添!想食得豐富嘅可以灼啲肉片;想熱食可以將醬汁換成烏冬湯/咖喱汁等,款式可以好千變萬化~

 

必買清單:

【麵類】https://bit.ly/374rzRx

 

溫馨滋味晚餐

嚟到晚餐,如果同屋企人食,可以選擇打邊爐,壽喜燒,或者部隊鍋呢類一鑊熟嘅料理,只要醬料/ 湯底夠好味,材料夠新鮮,真係點整都好食!再調配埋自家製醬汁,就更加錦上添花!雖然一家人圍爐夠熱鬧同開心,不過依家非常時期,記得要用公筷呀!

如果係自己一個人住或者同居情侶,人少少唔想買咁多材料洗咁多嘢,最簡單就係整意粉喇!除咗醬料係精髓之外,想個意粉煮得靚都有秘訣!跟返包裝上標明建議烹調時間(通常最佳煮意粉時間都係8分鐘內),煮意粉嘅時候加少少加鹽,作為調味之餘仲可以幫助去除黏性澱粉,防止意粉煮完變糊。喺屋企要整到好味嘅意粉醬都好費功夫,有時啲食材同香料仲未必咁易買到添,所以啤啤建議大家要懶就懶到底,買現成嘅意粉醬加熱,夠晒方便啊~依家市面上出咗好多唔同口味嘅意粉醬,梗搵到一款啱心水嘅~

 

必買清單:

【火鍋湯包】https://bit.ly/36TwqVi

【醬料】https://bit.ly/3hdxx5F

 

邪惡甜品/宵夜

臨瞓前,硬係覺得要食返個甜品或者宵夜先至覺得圓滿。依家越嚟越多速成布丁同燉蛋食譜,用微波爐叮一叮就搞掂,做出嚟嘅成果都唔差,熱辣辣香噴噴,用佢哋嚟為一日晝上句號真係好滿足啊!不過,如果想懶到世界盡頭又唔想食得太HEA,將即食曲奇、蛋糕、同朱古力批叮熱食一樣好嘆,仲洗少好多嘢㖭,嘻嘻~

必買清單:

【簡易曲奇粉】https://bit.ly/32Z86QP

【即食曲奇/ 朱古力批】https://bit.ly/3nH9rDS