h e l l o ! 

韓國 Aroh (에이로) 係好近期先開始興起嘅小眾品牌,旗下產品唔多但係佢嘅面膜係真的!真的!好好用!小編剛開始都係睇台灣YouTuber介紹先識佢,幾乎每款功效都有人讚,真係名副其實嘅寶藏面膜嚟!所以小編都搶先每款試過晒,想知道更多評價就一齊睇埋落去啦~

獨家「dry-lock」面膜紙設計

唔同於市面上一般嘅面膜,Aroh面膜紙採用再生纖維物質,使用上會更加貼合肌膚(提升吸收度!!)同埋有更好嘅透氣性。另外獨家「dry-lock」設計可以抑制水分/精華向面膜外蒸發,從而達到更顯著嘅補水效果。

 

小編的私心最愛:曬後/刺激後必用!

 

韓國 Aroh 積雪草舒緩保濕面膜 10片入 – HK$87

成份:積雪草(護理受損肌膚屏障、提高皮膚復原能力)茶樹(消炎、減退泛紅)蘆薈(保濕力卓越)

 

呢款最特別係佢有冰感效果,而且係last到敷完面膜再搽埋護膚品嗰隻,絕對係夏天必需嘅降溫神器。不過就算唔係炎熱嘅夏天,小編都會喺手賤擠完暗瘡、皮膚敏感泛紅嘅時候用佢。帶草本嘅清涼感真係立刻鎮定到肌膚,而且保濕力都唔輸蝕嫁。 *唔習慣冰感/涼感嘅朋友仔就唔建議使用啦*

 

 

乾燥肌的命定之選:最強補水大軍!

 

韓國 Aroh 海洋玻尿酸超保濕面膜 10片入 – HK$87

成份:海藻(保濕鎖水、淨化肌膚)玻尿酸(調節水油平衡,深層保濕)蘆薈(保濕力卓越)

 

呢款嘅精華質地清爽但絕對夠保濕,涼感相比起積雪草面膜無咁強烈,更加溫和適合敏感肌使用。知道好多人都有敷完面膜再洗面嘅習慣,唔洗擔心!呢款面膜帶嚟嘅保濕感係唔!會!隨住洗面而流失,肌膚嘅水潤感可以keep到好耐,用完好舒服~

 

想提亮就用大米:溫和改善暗沈!

 

韓國 Aroh 大米滋潤提亮美白面膜 10片入 – HK$87

成份:大米精華(促進代謝、去除角質)日本薯蕷根萃取(鎮靜敏感肌膚)益生菌(補充營養)

 

好多美白面膜因為成份唔夠天然、太刺激,成為咗敏感肌嘅大敵。但係呢款大米提亮美白面膜成份單純,雖然唔係話馬上就見到白幾度咁誇張,但持續使用一段時間之後,因為大米、益生菌等精華成分幫肌膚補充返足夠營養,就會開始見到皮膚重現光澤,改善暗沈肌膚。

 

亮澤緊緻有感:中意滋潤型揀佢!

 

 

韓國 Aroh 麥蘆卡蜂蜜緊緻修復面膜 10片入 – HK$87

成份:麥蘆卡蜂蜜(新西蘭產,含抗氧化成份,有助癒合和舒緩)山茶花(美白抗氧化)泛醇/維他命原B5(保濕補水)

 

採用新西蘭進口嘅麥蘆卡蜂蜜作為主要成份,有效幫助消炎修復。再添加山茶花成份,對需要抗初老嘅朋友仔非常友好,呢款用完相對其他幾款面膜最有潤澤嘅感覺,能夠打造健康肌膚同時減少肌膚水份流失,從而緊緻皮膚,恢復亮滑。

 

 

 

 

呢篇推介文小編真係真情實意咁寫!Aroh面膜雖然咁掂但係價錢就完全唔貴,每盒10片入都只係$87咋。而且佢每片精華量都勁多,仲要係唔會睇落嗰款,將滿滿精華全部鎖住喺面部做強效護理,每次敷完小編都會喺心中感嘆:呢個寶藏面膜真係好抵買吖!