h e l l o ! 

 

因為疫情關係長期戴住口罩，唔少人都發現原來自己嘅口腔都幾大陣味，尤其係太耐無講嘢、食飽、甚至太餓嘅時候，口臭問題會更明顯，唔想受返自己嘅口氣，一齊睇吓以下4招可以快速消除口氣嘅方法啦！

 

1.    𡁻無糖香口膠

根據荷蘭羅寧根大學（University of Groningen）一項研究發現，𡁻無糖香口膠可以黏走1億粒細菌，頭30秒嘅效果就最明顯。咀嚼亦會增加口水分泌，幫助沖淡口腔入面嘅酸性物質。而香口膠嘅味道同成分亦可以暫時令人重拾清新口氣。不過記得要用無糖嘅香口膠啊，否則糖份會滋養細菌，反而幫咗細菌繁殖。另一樣要留意嘅就係，千奇唔好𡁻超過10分鐘，𡁻得太耐香口膠嘅黏度會下降，反而會令到細菌入返口腔！

 

2.    漱口水

漱口水可以消滅口腔入面嘅細菌，快速消除口氣。而不少漱口水都有薄荷味或清新香味可以暫時掩蓋口腔嘅味道。疫情期間，大家都慣咗食完飯就戴返口罩令口罩內層積存咗大量口水，口氣同食物殘留嘅氣味，所以喺呢段期間更應養成定期漱口嘅習慣。大家不妨喺公司擺放漱口水方便隨時使用。美國Pop White 白金牙齒美白漱口水一枝500ml，攞喺公司都唔會好阻地方，佢仲有去黃功能，除口臭同時仲可以美白牙齒添。而日本Okina更有便攜顆粒裝漱口水，每次用一粒，方便又衞生。

3.    飲水

好多人平時已經少飲水，依家長期戴住口罩就更飲得少水，但原來口太乾都會引致口臭問題！如果口腔太大乾唔夠口水沖走食物殘渣，殘留喺口腔度嘅渣滓就會令口腔呈現酸性，提供一個理想環境比細菌活躍活動，引起口臭，所以記得定時飲水，保持口腔濕潤。

 

4.    用口腔噴霧

口腔噴霧可以淨化口臭同滋潤口腔，如果唔方便漱口同食香口膠，又想即時解決口氣問題，使用口腔噴霧都係一個好方法。獅王嘅NONIO口腔殺菌芳香噴霧有三個香味選擇，又細細枝方便放入手袋隨身攜帶，啱晒放工後同人食飯前噴一噴口氣即刻清新晒，咁就唔怕焗咗成日一除口罩有口臭問題會好尷尬啦～

 

以上提供嘅方法係畀大家急救用，而造成口臭嘅成因有好多，例如飲食習慣、緊張、腸胃疾病等等都會引口臭。解決口氣問題係長期抗爭，最緊要係對症下藥，同埋養成良好嘅口腔護理習慣！

【點擊挑選適合自己嘅口腔護理產品👉🏻  https://bit.ly/3kpAJfZ】