h e l l o ! 

 

大家每日都沖涼，有沒有諗過原來沖涼都大有學問呢？ 以下5個沖涼壞習慣更會傷害皮膚，立即睇吓自己有無犯到啦！

 

1. 淋浴時間過長

忙碌完一日，沖返個熱水涼可以舒壓，加上一人獨享嘅唱K時間，簡直令人唔捨得離開浴室。但皮膚科專家建議最好10分鐘內就要完成淋浴，因為沖涼時間過長會令皮膚脫水，失去光澤同容易引起皮膚問題。濕疹患者更建議將淋浴時間縮短喺5分鐘以內。

 

2. 水溫過熱

淋熱水浴有助放鬆肌肉，加上天氣寒冷，令人不禁將水温愈調愈熱。但熱水會洗走過多皮膚天然油脂，仲會令到皮膚血管擴張，令皮膚變紅，痕癢，發炎，甚至會生皮疹！所以建議大家將水溫調到用最接近人體體溫，皮膚敏感或者乾燥嘅朋友就更要多加留意！

 

3. 使用強力殺菌沐浴露

清潔力太強嘅沐浴露會洗走過多油脂，導致皮膚乾燥、痕癢，甚至脫皮。人嘅皮膚同脂肪會隨著年齡增長而變薄，汗腺同油脂腺都會減少，所以選購沐浴露時都應該注重保濕度，亦開最好避開含有香料（fragrances），三氯生（triclosan），合成色素（synthetic colors），甲醛（formaldehyde）等致敏成分嘅產品。

日本熊野油脂Pharmaact Zero無添加沐浴露無添加防腐劑、無着色、無香料，使用100%植物洗淨成分，泡泡夠綿密無負擔，仲好保濕添！另一款藥用弱酸性柿澀防汗味沐浴露清潔力較強，雖然含有殺菌成份，但弱酸性配方加上高保濕玻尿酸成分以及柿子精華抽取物，清潔同時又夠滋潤，可以令肌膚維持彈性同水潤狀態。而無皂，無色素嘅Aveeno薰衣草沐浴露，配方溫和，一般或敏感肌膚人士都適用。

 

 

 

4. 沖完涼無立即做好保濕工作

沖完涼5分鐘內係肌膚最有效鎖住水份嘅黃金時間，應該盡快進行保濕。如果隔太耐先做搽乳液，甚至唔搽保濕產品，皮膚會因為太乾而裂開，容易令細菌同過敏原進入皮膚。Jurlique玫瑰緻柔身體乳含有矜貴天然嘅玫瑰成分，能夠迅速滲透，令肌膚柔滑亮澤。敏弱肌嘅朋友可選擇成份天然嘅Aveeno保濕乳，佢哋更有冬天限定嘅Aveeno天然燕麥高效舒緩深層保濕潤膚霜，含有天然燕麥及乳木果萃取，能夠滲入肌膚作長效深層保濕，簡直係極乾肌人士恩物！

 

 

 

 

5. 唔更換沖涼用品

浴巾亦都要保持乾燥同定期拎去曬太陽，兩至三個月就要更換新新巾，等用爛到先換嘅話，條毛巾應該早已佈滿含有金黃葡萄球菌、白色念珠菌、大腸桿菌等微生物！日本 Airkaol XTC 極速乾髮魔法吸水毛巾使用特製2倍粗嘅有機棉線，吸水力提升60%之餘都透氣通風，容易晾乾，觸感仲好柔軟添。而日本製嘅OBORO TOWEL 100%綿極速乾髮5倍吸水毛巾用全綿製成，柔軟舒適，人用咗具有抗菌消臭作用嘅芍藥加工，消臭成份天然，連日本異位性皮膚炎協會都推薦，肌膚較敏感嘅朋友以及嬰兒都可以安心使用。

另外好多朋友都會使海綿或者擦具幫身體去除老廢角質，但緊記要定期替換，一塊海綿唔好用超過一個月，如果唔係喺浴室呢啲咁潮濕嘅環境，好容易滋生細菌同真菌，增加患上毛囊炎風險。